Прэзідэнт Беларусі Аляксандр Лукашэнка 23 жніўня накіраваў пасланне губернатару Кемераўскай вобласці Расіі Аману Тулееву з нагоды ўводу ў эксплуатацыю не маючага аналагаў у свеце аўтасамазвала БелАЗ-75710 грузападымальнасцю 450 т на разрэзе "Чарнігавец" кампаніі "Сібірскі дзелавы саюз".

"Гэта наша агульнае дасягненне, якое з`яўляецца вынікам цеснага і ўзаемавыгаднага супрацоўніцтва Беларусі і Кемераўскай вобласці.

Прыемна, што Кузбас чарговы раз стаў палігонам для выпрабаванняў найноўшай беларускай тэхнікі для вуглездабыўной галіны", - адзначыў Прэзідэнт. На вугальных разрэзах Кемераўскай вобласці працуюць звыш 2 тыс. БелАЗаў, адкрыты сэрвісны цэнтр па іх абслугоўванні, пачалася зборка кузаваў грузападымальнасцю 130 т, 220 т і 320 т.

"Упэўнены, што выпрабаванні самага вялікага кар`ернага самазвала і яго далейшая работа будуць паспяховымі", - падкрэсліў беларускі лідар.

Аляксандр Лукашэнка напярэдадні Дня шахцёра перадаў віншаванні працаўнікам гэтай галіны.

25 жніўня 2014, Мінск
БЕЛТА

Ссылка на текущий документ: http://belarus.kz/aktueller/17/52/27281

Текущая дата: 28.12.2024