Арганізацыі газавай галіны Беларусі плануюць пашырыць удзел у праектах па сацыяльнай газіфікацыі ў Расіі. Адпаведныя магчымасці абмеркаваны ў час рабочай паездкі дэлегацыі ДВА «Белпалівагаз» на чале з намеснікам генеральнага дырэктара Віталем Лапцёнкам у Смаленскую вобласць.

У склад дэлегацыі ўвайшлі прадстаўнікі арганізацый «Белгазбуд — холдынг» — вядучага холдынга галіны, які ажыццяўляе будаўніча-мантажныя і пусканаладачныя работы.

У час перагавораў з кіраўніцтвам кампаніі «Газпрам газаразмеркаванне Смаленск» беларускі бок адзначыў зацікаўленасць у пашырэнні супрацоўніцтва з расійскімі партнёрамі.

Арганізацыі холдынга паспяхова ўжо рэалізавалі першыя праекты па сацыяльнай газіфікацыі ў расійскім рэгіёне. «Разгледжаны магчымасці больш шырокага прыцягнення беларускіх спецыялістаў да праектавання і будаўніча-мантажных работ у рамках такіх праектаў. Для гэтага ў беларускіх арганізацый ёсць неабходны вопыт і кампетэнцыі. У бліжэйшы час бакі прапрацуюць канкрэтныя напрамкі ўзаемадзеяння», — адзначылі ў Мінэнерга.

Звязда, 1 жніўня 2023