Дарагія суайчыннікі!

Ад усёй душы віншую вас з Раством Хрыстовым.

Гэта цудоўнае свята напаўняе глыбінным сэнсам гісторыю існавання чалавецтва на Зямлі, штогод нагадвае нам аб неабходнасці духоўнага абнаўлення, бескарыслівай любові да блізкага, найвялікшай каштоўнасці дабра і міласэрнасці.

У светлыя святочныя дні простыя зносіны з роднымі людзьмі саграваюць нас цяплом сямейнага ачага, умацоўваюць веру ў лепшую будучыню, надзяляюць энергіяй для многіх добрых спраў, аб`ядноўваюць і робяць мацнейшымі перад тварам любых выпрабаванняў.

Няхай радасць Раства падорыць усім трыумф спраўджаных спадзяванняў, узаемаразумення і любові ў нашым агульным доме.

Шчасця, міру і дабрабыту вам і вашым блізкім.

Прэзідэнт Рэспублікі Беларусь Аляксандр Лукашэнка

Звязда, 7 студзеня 2021