Жыхар Салігорскага раёна выкраў у аднавяскоўкі той жа ровар, што і тры гады таму, гэтым разам прыхапіўшы з сабой і пару куртак.

Злодзею пагражае да чатырох гадоў пазбаўлення волі. 

Раскрыўшы крадзеж з узломам з летняй кухні пажылой вяскоўкі, аператыўнікі крымінальнага вышуку Салігорскага РАУС не толькі выкрылі злачынца і канфіскавалі выкрадзенае, але і выявілі цікавае супадзенне. Аказалася, што фігуранта раней ужо абвінавачвалі ў крадзяжы. Больш за тое, яго ахвярай стала тая самая пенсіянерка, у якой ён выкраў той жа ровар тры гады таму. Гэтым разам з роварам зламыснік прыхапіў і пару ўцепленых куртак.

Раней мужчына неаднаразова судзімы за аналагічныя злачынствы. Ён заключаны пад варту і можа правесці ў месцах пазбаўлення волі да чатырох гадоў. Меру адказнасці абярэ суд.

Звязда, 4 снежня 2023