Якія падзеі адбыліся 8 ліпеня і чым азнаменаваны гэты дзень у народным календары, чытайце далей:

У 1993 годзе ў Мінску пачаўся I з`езд беларусаў свету.

1861 год: Магдалена Радзівіл, беларуская мецэнатка.

1947 год: Алег Залётнеў, беларускі кампазітар.

Таксама сёння нарадзіліся нямецкі авіяканструктар Фердынанд фон Цэпелін і амерыканскі прадпрымальнік Джон Дэвісан Ракфелер.

Сёння праваслаўныя вернікі шануюць памяць святых Пятра і Фяўроніі. Да іх звярталіся з малітвамі перад тым, як брацца шлюбам, і пра лад у сям`і.

У гэты дзень муж і жонка імкнуліся ўсё рабіць разам, таму што лічылася – гэта прынясе ўдачу і дапаможа ў будучыні пазбегнуць сварак у сям`і.

Калі 8 ліпеня спякота, верагодна, наступныя 40 дзён таксама будуць гарачыя. Калі мышы ядуць сена, дрэнная прыкмета: добрага сенакосу не будзе.

Sputnik, 8 ліпеня 2023