У 30-гадовага жыхара Мазыра пры затрыманні выявілі 25 пакуначкаў з псіхатропамі, гатовых да закладкі. Мужчына па заданні наркомаркета забраў аптовую партыю, расфасаваў тавар і пачаў абсталяваць схованкі для пакупнікоў. У цэнтры горада ён пакінуў партыю вагой 50 г для яшчэ аднаго кур’ера, а ў лесапаркавай паласе зрабіў 20 закладак для пакупнікоў.

Таксама ў кватэры, дзе затрыманы пражываў з бацькамі, праваахоўнікі выявілі і канфіскавалі каля 100 г забароненых рэчываў.

Па заключэнні экспертаў, усе канфіскаваныя пакеты ўтрымлівалі асабліва небяспечнае псіхатропнае рэчыва пара-метылэфедрон. У агульнай складанасці ў мазыраніна канфіскавалі больш за 200 г наркотыкаў.

Следчыя распачалі крымінальную справу за незаконны абарот псіхатропных рэчываў, учынены арганізаванай групай у буйным памеры.

Звязда, 21 траўня 2023