Як заявіў кіраўнік урада Міхаіл Мясніковіч 4 кастрычніка на пашыраным пасяджэнні прэзідыума Савета міністраў з удзелам прадстаўнікоў дзелавых колаў, бізнес атрымае роўны доступ да новага механізму дзяржаўнай падтрымкі.
Ён паведаміў, што комплексныя прапановы па новым механізме дзяржпадтрымкі ўрад унясе ў хуткім часе на разгляд прэзідэнта. "Прапаноўваецца, што да гэтай сістэмы мер дзяржпадтрымкі, прэферэнцый будуць мець роўны доступ суб`екты гаспадарання ўсіх форм уласнасці, якія перамаглі ў выніку конкурснага адбору", — сказаў прэм`ер.
Паводле слоў Мясніковіча, створаны Банк развіцця будзе крэдытаваць не толькі дзяржпраграмы, але айчынны бізнес у цэлым, аддаючы прыярытэт прадпрыемствам, арыентаваным на імпартазамяшчэнне.
Дзяржава, у сваю чаргу, чакае ад прадстаўнікоў бізнесу канструктыўных прапаноў, падкрэсліў прэм`ер-міністр.
"Прапановы бізнесу вельмі важныя, бо ва ўрадзе ставіцца задача, каб у 2012 год увайсці са сфарміраваным пакетам нарматыўных прававых актаў прамога дзеяння", — сказаў Мясніковіч.
Ён зазначыў, што некаторыя фірмы-пасрэднікі, якія займаліся толькі імпартам, закрываліся ў сувязі з карэкцыяй абменнага курсу. Кіраўнік урада назваў гэта аб`ектыўным працэсам.
"Урад вызначыў прыярытэтам сваёй палітыкі стымуляванне развіцця вытворчага і інавацыйнага бізнесу, перапрацоўчых прадпрыемстваў, якія працуюць на мясцовай сыравіне, а таксама сферу паслуг. Менавіта гэтым кірункам будзе аказвацца садзейнічанне ў першачарговым парадку", — заявіў Мясніковіч.
Ён таксама паабяцаў зніжэнне стаўкі падатку на прыбытак. "Рашэнне пакуль яшчэ не прынята, але мы плануем, што стаўка падатку на прыбытак будзе паступова зніжацца. Для забеспячэння высокай канкурэнтаздольнасці ў Адзінай эканамічнай прасторы асноўныя намаганні павінны быць скіраваныя на спрашчэнне падатковага адміністравання", — сказаў прэм`ер.
Міністр эканомікі Мікалай Снапкоў, у сваю чаргу, зазначыў, што ўклад прыватнага сектара ў ВУП значна ніжэйшы, чым у суседніх краінах.
"Дагэтуль Беларусь развівалася на аснове выкарыстання магутнага прамысловага сектара, які забяспечваў высокія тэмпы эканамічнага росту і ўзровень занятасці. Мы не імкнуліся павялічваць прыватны сектар эканомікі, таму што ў тым не было неабходнасці для дасягнення высокіх тэмпаў эканамічнага росту", — патлумачыў Снапкоў.
"Нашы партнёры паставілі прыватны сектар у аснову крыху раней", — канстатаваў міністр. У выніку, паводле яго слоў, Беларусь адстала ад краін-партнёраў па ўзроўні ўкладу прыватнага сектара ў ВУП.
Так, паводле звестак Мінэканомікі, доля прыватнага сектара ў беларускім ВУП складае каля 30%, у той час як у іншых краінах-суседзях — ад 60 да 80%.
Беларусь падышла да таго, што "існуючая эканамічная мадэль патрабуе свайго перагляду з пазіцыі пошуку фактараў, якія ўзмацнялі б эканамічны рост", заявіў кіраўнік Мінэканомікі.
Паводле яго слоў, "відавочна, што буйны прамысловы сектар з`яўляецца платформай, стрыжнем эканомікі". "Аднак адзіна магутным рухавіком фарміравання ўстойлівага эканамічнага росту з`яўляецца прыватны сектар, а іменна: малое і сярэдняе прадпрымальніцтва", — дадаў Снапкоў.
БелаПАН
Мінск, 4 кастрычніка 2011
Паводле слоў Мясніковіча, створаны Банк развіцця будзе крэдытаваць не толькі дзяржпраграмы, але айчынны бізнес у цэлым, аддаючы прыярытэт прадпрыемствам, арыентаваным на імпартазамяшчэнне.
Дзяржава, у сваю чаргу, чакае ад прадстаўнікоў бізнесу канструктыўных прапаноў, падкрэсліў прэм`ер-міністр.
"Прапановы бізнесу вельмі важныя, бо ва ўрадзе ставіцца задача, каб у 2012 год увайсці са сфарміраваным пакетам нарматыўных прававых актаў прамога дзеяння", — сказаў Мясніковіч.
Ён зазначыў, што некаторыя фірмы-пасрэднікі, якія займаліся толькі імпартам, закрываліся ў сувязі з карэкцыяй абменнага курсу. Кіраўнік урада назваў гэта аб`ектыўным працэсам.
"Урад вызначыў прыярытэтам сваёй палітыкі стымуляванне развіцця вытворчага і інавацыйнага бізнесу, перапрацоўчых прадпрыемстваў, якія працуюць на мясцовай сыравіне, а таксама сферу паслуг. Менавіта гэтым кірункам будзе аказвацца садзейнічанне ў першачарговым парадку", — заявіў Мясніковіч.
Ён таксама паабяцаў зніжэнне стаўкі падатку на прыбытак. "Рашэнне пакуль яшчэ не прынята, але мы плануем, што стаўка падатку на прыбытак будзе паступова зніжацца. Для забеспячэння высокай канкурэнтаздольнасці ў Адзінай эканамічнай прасторы асноўныя намаганні павінны быць скіраваныя на спрашчэнне падатковага адміністравання", — сказаў прэм`ер.
Міністр эканомікі Мікалай Снапкоў, у сваю чаргу, зазначыў, што ўклад прыватнага сектара ў ВУП значна ніжэйшы, чым у суседніх краінах.
"Дагэтуль Беларусь развівалася на аснове выкарыстання магутнага прамысловага сектара, які забяспечваў высокія тэмпы эканамічнага росту і ўзровень занятасці. Мы не імкнуліся павялічваць прыватны сектар эканомікі, таму што ў тым не было неабходнасці для дасягнення высокіх тэмпаў эканамічнага росту", — патлумачыў Снапкоў.
"Нашы партнёры паставілі прыватны сектар у аснову крыху раней", — канстатаваў міністр. У выніку, паводле яго слоў, Беларусь адстала ад краін-партнёраў па ўзроўні ўкладу прыватнага сектара ў ВУП.
Так, паводле звестак Мінэканомікі, доля прыватнага сектара ў беларускім ВУП складае каля 30%, у той час як у іншых краінах-суседзях — ад 60 да 80%.
Беларусь падышла да таго, што "існуючая эканамічная мадэль патрабуе свайго перагляду з пазіцыі пошуку фактараў, якія ўзмацнялі б эканамічны рост", заявіў кіраўнік Мінэканомікі.
Паводле яго слоў, "відавочна, што буйны прамысловы сектар з`яўляецца платформай, стрыжнем эканомікі". "Аднак адзіна магутным рухавіком фарміравання ўстойлівага эканамічнага росту з`яўляецца прыватны сектар, а іменна: малое і сярэдняе прадпрымальніцтва", — дадаў Снапкоў.
БелаПАН
Мінск, 4 кастрычніка 2011
Ссылка на текущий документ: http://belarus.kz/aktueller/2-/1013/9599
Текущая дата: 26.12.2024