Палёты будуць выконвацца па аўторках. Вылет з Мінска запланаваны на 10.15, прыбыццё ў Мурманск будзе ў 13.00. Рэйс назад з Мурманска адбудзецца ў 14.00, прылёт у сталіцу Беларусі - у 16.40 (час пазначаны мясцовы).

Кошт палёту ў адзін бок стартуе ад 134 еўра, у абодва - ад 244 еўра (тарыф Light).

Працягласць рэйса па гэтым напрамку складзе менш за тры гадзіны. Пасажыры адправяцца ў палёт на самалёце Embraer 195.

Гендырэктар "Белавія" Ігар Чаргінец разлічвае, што гэты маршрут стане запатрабаваным у прадстаўнікоў бізнесу. "Мурманск - гэта буйнейшы прамысловы цэнтр, тут добра развіты рыбаперапрацоўка, металаапрацоўка і іншыя галіны. У Мурманска таксама вялікі лагістычны патэнцыял, паколькі гэта буйны партовы горад", - акцэнтаваў увагу ён.

Паводле яго слоў, такі напрамак арыентаваны і на пасажыраў, якія падарожнічаюць транзітам праз Мінск, і на турыстаў, якія аддаюць перавагу незвычайным маршрутам. "Тут можна ўбачыць паўночнае ззянне, пабываць на гарналыжных схілах, маляўнічых сопках і сапраўдным атамным ледаколе, адправіцца на марскую прагулку і паназіраць за кітамі. Таксама мы будзем рады, калі з адкрыццём рэйса госці з Запаляр`я стануць часцей наведваць Беларусь і змогуць па заслугах ацаніць яе турыстычную прывабнасць", - падкрэсліў гендырэктар.

19 красавіка 2023, Мінск
БЕЛТА