«Цудоўныя, мілыя жанчыны!

Бабулі, мамы, жонкі, сёстры, дочкі, унучкі, каханыя, уся цудоўная палова Беларусі!

Мужчыны 15-й Беларускай антарктычнай экспедыцыі цёпла і душэўна віншуюць вас з самым цудоўным, далікатным і прыгожым святам у годзе — з 8 сакавіка!

Вы — захавальніцы сямейнага агню і стваральніцы ўтульнасці, вы дорыце мужчынам каханне і пяшчоту, клопат і ласку, радасць і цеплыню!

Вы той стымул у жыцці, які натхняе мужчын на подзвігі і здзяйсненні, вы —ўпрыгажэнне нашага жыцця, без вас яно было б чорна-белым сюжэтам!

Жадаем вам моцнага здароўя, мірнага неба, кахання і шчасця, спакою і дабрабыту, каб мужчыны кожны дзень сустракалі вас захопленымі ўсмешкамі і праводзілі захопленымі поглядамі!

Няхай вашы вочы не ведаюць смутку, а маршчынкі з’яўляюцца толькі ад смеху, абаянне і прыгажосць будуць Вашымі пастаяннымі спадарожнікамі, а душа будзе напоўнена гармоніяй!

Будзьце шчаслівыя, каханыя і захапляльныя!

Аляксей Гайдашоў

Уладзімір Несцяровіч

Аляксандр Абатурын

Алег Пешкаў

Павел Растоў

Сяргей Люты

Уладзіслаў Базылевіч

Мікіта Ізідэраў

Павел Шаблыка

Кірыл Рабычын

Віталь Лукін

Аляксей Барысавец».

21 кастрычніка 2022 года ў НАН Беларусі быў дадзены ўрачысты старт 15-й Беларускай антарктычнай экспедыцыі. У Антарктыку адправіліся 12 чалавек пад кіраўніцтвам вопытнага палярніка — кіраўніка усіх беларускіх Антарктычных экспедыцый Аляксея Гайдашова. Члены экспедыцыі працягваюць работы па абсталяванні нашай станцыі ў раёне гары «Вячэрняя», праводзяць дзясяткі навуковых даследаванняў і эксперыментаў, выконваюць тысячы навуковых вымярэнняў прыродных параметраў кантынента.