Таварышы салдаты, сяржанты, прапаршчыкі і афіцэры!

Паважаныя ветэраны, дарагія суайчыннікі!

Віншую вас з Днём абаронцаў Айчыны і 105-годдзем Узброеных Сіл Рэспублікі Беларусь.

Сёння краіна славіць подзвіг ветэранаў Вялікай Айчыннай вайны, доблесць і стойкасць воінаў-інтэрнацыяналістаў, патрыятызм і самаадданасць ваеннаслужачых сучаснай беларускай арміі.

За гады незалежнасці намі былі створаны баяздольныя, высокамабільныя, аснашчаныя найноўшымі ўзорамі тэхнікі Узброеныя Сілы, якія гатовыя эфектыўна супрацьстаяць любым выклікам і пагрозам. Наша армія была і застаецца сапраўды народнай, адной з апор дзяржаўнасці, гарантам незалежнасці і бяспекі, сапраўднай школай мужнасці для моладзі.

Перакананы, што людзі ў пагонах і надалей будуць цвёрда стаяць на варце міру, абараняючы наш родны дом — Рэспубліку Беларусь.

Выказваю шчырую ўдзячнасць усім, хто прысвяціў жыццё вялікай справе служэння Айчыне, а таксама тым, хто, аддаўшы свой воінскі абавязак, штодзённай стваральнай працай робіць больш моцнай і багатай нашу любімую радзіму.

Жадаю ўсім моцнага здароўя, шчасця, дабрабыту і новых поспехаў у нялёгкай ратнай працы на карысць краіны і народа!

Прэзідэнт Рэспублікі Беларусь Аляксандр Лукашэнка

Звязда, 23 лютага 2023