Сёння адчуваецца, што мы хочам мець зносіны, мы хочам любіць, сябраваць, жыць у гэтым свеце і глядзець добрае кіно. Такое меркаванне выказаў дырэктар XX Мінскага міжнароднага кінафестывалю «Лістапад», генеральны дырэктар кінастудыі «Беларусьфільм» Уладзімір Карачэўскі на адкрыцці Дзён расійскага кіно, якое прайшло 7-га листапада ў кінатэатры «Беларусь».

«Ідзе ўжо чацвёрты дзень кінафестывалю, у нас поўныя залы. Такога даўно не было, гэта выдатна. Вось і сёння, як у старыя добрыя часы, няма лішняга білеціка. Адчуваецца, што мы хочам мець зносіны, мы хочам любіць, сябраваць, жыць у гэтым свеце і глядзець добрае кіно. У нас у фестывалі прымаюць удзел 44 краіны, падавала заяўкі 89 краін, 1360 фільмаў было пададзена для ўдзелу ў кінафестывалі. На працягу тыдня будзе паказана каля ста фільмаў, яны будуць прадстаўлены не толькі ў Мінску, але і па ўсёй Беларусі», — распавёў Уладзімір Карачэўскі.

Дырэктар кінафестывалю адзначыў вялікую цікавасць да мерапрыемства. «Выдатна, што да нас прыязджаюць людзі з розных краін. У нас вялікая дэлегацыя краін СНД, таксама прыехалі сябры з Турцыі, Сербіі, Германіі, Ірана, Егіпта, Паўднёвай Амерыкі, Кітая. Нягледзячы на тое, што пандэмія і санкцыі, мы маем зносіны. Я хачу сказаць асобнае дзякуй нашым расійскім сябрам. Таму што самы вялікі культурны дэсант у нас адтуль. Расійскія фільмы на «Лістападзе» прысутнічаюць ва ўсіх праграмах: конкурснай і пазаконкурснай. І сёння мы адкрылі дні расійскага кіно, дзе прадстаўлены праекты пры падтрымцы ўрада Расіі і «Раскіно», — сказаў на заканчэнне Уладзімір Карачэўскі.

Звязда, 7 лістапада 2022