Сіламі ўдзельнікаў клуба "Вікру" ў Магілёўскай вобласці былі ўстаноўлены 35 помнікаў Вялікай Айчыннай вайны. 

Удзельнікі "Вікру" выступілі з прапановамі не толькі па ўстаноўцы і стварэнні помнікаў. "Па ініцыятыве нашага клуба тры вуліцы ў Магілёве названы імёнамі абаронцаў горада. Гэта вуліцы Златавустаўскага, Слепакурава і Цярохіна", - дадала Ала Казючыц.

Таксама клуб праводзіць актыўную грамадскую работу. У асноўным з моладдзю. "Вікру" вядзецца вялікая грамадская работа. У мінулым годзе ў снежні мы запусцілі свой праект "Навучыся памятаць". Яшчэ нават не быў аб`яўлены Год гістарычнай памяці, а наш праект ужо быў запушчаны. Ён арыентаваны на работу з вучнёўскай моладдзю і школьнікамі і складаецца з трох цыклаў. Першы цыкл - "Дарога да абеліска", другі цыкл "Загінулым вяртаем імёны" і заключны "Марш памяці", - расказала намеснік старшыні аб`яднання.

Паводле слоў Алы Казючыц, узроставы цэнз клуба - дзеці ва ўзросце 14 гадоў і старэйшыя. "Мы прыязджаем да іх у школы, арганізуем сустрэчы ў музеях і ў бібліятэках, выходзім на кантакт з моладдзю, прыязджаем са сваімі экспазіцыямі, паказваем і расказваем, чым мы займаемся. Мы ставім сабе за мэту і спрабуем данесці да дзяцей значнасць нашай работы", - адзначыла намеснік старшыні Грамадскага аб`яднання "Магілёўскі абласны гісторыка-патрыятычны пошукавы клуб "Вікру" Ала Казючыц.

Праект створаны за кошт сродкаў мэтавага збору на вытворчасць нацыянальнага кантэнту.

2 лістапада 2022, Мінск
БЕЛТА