У сучасных палітычных умовах барацьбы за сваю гістарычную спадчыну важна не толькі папулярызаваць памяць аб гераічным мінулым беларусаў, але і адказна падыходзіць да падрыхтоўкі прафесійных гісторыкаў, вучоных, здольных не толькі вывучаць, але і прапагандаваць гістарычныя факты, выхоўваць у моладзі павагу да сваёй гісторыі і краіны. Менавіта таму ў сценах Дома ўрада сабраліся маладыя гісторыкі - аспіранты, магістранты гістарычных факультэтаў устаноў вышэйшай адукацыі з усіх рэгіёнаў Беларусі. Удзельнікі форуму абмеркавалі барацьбу беларускага народа за сваё права жыць у адзінай дзяржаве, а таксама далі ацэнку спробам сучасных польскіх палітыкаў і гісторыкаў прадаўжаць экспансіянісцкую палітыку ў адносінах да Беларусі з прыняццем адпаведнай рэзалюцыі.

"17 верасня - знамянальны дзень уз`яднання тэрыторыі Беларусі, а таксама важны палітычны адказ у сучасных рэаліях, які мы прадастаўляем дзяржавам-апанентам, якія любяць паквапіцца на нашу нацыянальную ідэнтычнасць, тэрытарыяльную цэласнасць і культуру нашага народа ў цэлым. Як мы цудоўна ведаем, пасля Рыжскага мірнага дагавора Заходняя Беларусь знаходзілася ў прыгнечаным стане. Разбуралася нацыянальная ідэнтычнасць, знішчалася ў цэлым беларуская культура, адбывалася поўнае апалячванне. Я, як беларус, не магу гэта спакойна ўспрымаць. Я вельмі рады, што цяпер у нас ёсць такое свята, якое дае магчымасць аб`яднаць наш народ", - сказаў Ігар Галіноўскі.

Акрамя таго, сёння ў парламенце адбылася прэзентацыя выстаўкі Нацыянальнага архіва, прысвечанай акупацыі тэрыторый Заходняй Беларусі палякамі. Паводле слоў удзельніка форуму, неабходна больш расказваць аб тым, што адбывалася ў гэты перыяд, асабліва моладзі.

"На мой погляд, неабходна масавае асвятленне таго, што адбывалася. Палякі заснавалі адзін з першых канцлагераў на тэрыторыі Беларусі - у Бярозе-Картузскай, і аб гэтых зверствах мала хто гаворыць", - дапоўніў малады гісторык.

Вынікам моладзевага форуму "Беларусь памятае!" стала прыняцце рэзалюцыі.

14 верасня 2022, Мінск
БЕЛТА