А вы ведалі, што ў гэты дзень быў адкрыты спадарожнік Марса — Фобас, што са старажытнагрэцкага перакладаецца як "жах"? Якія яшчэ падзеі адбыліся 18 жніўня і чым азнаменаваны гэты дзень у народным календары, чытайце далей:

У 1201 годзе быў заснаваны горад Рыга.

У 1649 годзе было заключана Збораўскае пагадненне паміж польскім каралём Янам Казімірам і казацкім старшынёй, якое, аднак, не стала канцом антыфеадальнай вайны.

1946 год: Алесь Марціновіч, беларускі пісьменнік, крытык, літаратуразнаўца.

1954 год: Аляксандр Ксёндзаў, беларускі мастак.

1959 год: Анатоль Рэзнік, беларускі гісторык.

1966 год: Алена Брава, беларуская пісьменніца.

Таксама ў гэты дзень нарадзіліся італьянскі кампазітар Антоніо Сальеры і кінарэжысёр Раман Паланскі.

У гэты дзень шануюць памяць пакутніка Еўсцігнея. Калі святы Канстанцін Вялікі ўзышоў на трон, Еўсцігней быў сведкам з`явы на небе зорнага Крыжа, што прадказаў яму перамогу. Ва ўзросце 110 гадоў Еўсцігней быў катаваны сваяком Канстанціна, імператарам Юльянам, праз адсячэнне галавы за тое, што той абвінаваціў яго ў адступленні ад Хрыста.

Еўсцігнея ў народзе называюць Жытнікам. У гэты дзень прыгаворвалі: "Адной рукой жні, другой сей" і замаўлялі жытніцу на багаты ўраджай: кланяліся ей на чатыры бакі.

18 жніўня гаспадарам варта было сабраць ураджай цыбулі і павесіць яе сушыцца. Звязкі цыбулі, акрамя ўсяго, ачышчаюць паветра ад шкодных бактэрый.

Маладыя дзяўчыны шукалі ў полі "жытную матку" – 12 каласкоў, якія прапусцілі пры ўборцы ўраджаю. Якая першая знойдзе – будзе шчаслівай.

Па Еўсцігнею вызначалі надвор`е ў снежні: "Чым Жытнік адзначыцца, тым снежань і адклічацца".

Sputnik, 18 жніўня 2022