Сёння адзначаецца Сусветны дзень без тытуню і Сусветны дзень барацьбы с няроўнасцю. Якія яшчэ падзеі адбыліся 31 траўня і чым азнаменаваны гэты дзень у народным календары, чытайце далей:

У 1919 годзе ў Варшаве створана Польска-беларускае таварыства.

У 2008 годзе ў Полацку адкрыты памятны знак "Геаграфічны цэнтр Еўропы".

1556 год: Юрый (Ежы) Радзівіл, царкоўны і дзяржаўны дзеяч Рэчы Паспалітай.

1948 год: Святлана Алексіевіч, беларуская пісьменніца.

1952 год: Тамара Чабан, беларуская літаратуразнаўца.

Таксама сёння нарадзіліся рускі пісьменнік Канстанцін Паўстоўскі і рускі музыкант Уладзімір Кузьмін.

Сёння праваслаўныя вернікі шануюць памяць пакутніка Феадота Анкірскага і сямі дзеў пакутніц.

Святога Феадота ў народзе празвалі Фядот Дубоўнік, таму што ў гэты дзень на дубах пачынала разгортвацца лісце. Свята таксама насіла і іншую назву - Фядот Аўсянік. Лічылася, што калі дубы паспелі зазелянець, будзе добры ўраджай аўса.

Калі дуб зазелянеў раней, як ясень, лета будзе сухое. Яблыні яшчэ квітнеюць – восень будзе позняя. Калі ад зямлі падымаецца пара, будзе дождж.

Sputnik, 31 траўня 2022