Дзяржаўная сацыяльная палітыка ў галіне падтрымкі сем`яў з дзецьмі дала рэальныя вынікі, якія праявіліся ў павелічэнні нараджальнасці другіх і трэціх дзяцей, заявіла журналістам старшыня Пастаяннай камісіі па працы і сацыяльных пытаннях Палаты прадстаўнікоў Людміла Канановіч.
"У краіне больш за 118 тыс. шматдзетных сем`яў. Нараджэнне другіх і трэціх дзяцей павялічылася. Напэўна, на першае дзіця бацькі ідуць складаней, чым на трэцяе і наступных. Дзяржаўная сацыяльная падтрымка дала свае вынікі", - сказала Людміла Канановіч. Яна, у прыватнасці, нагадала, што Беларусь уваходзіць у пяцёрку краін з самым доўгім водпускам па доглядзе дзіцяці.
Усяго ў краіне выплачваецца 11 відаў дзяржаўных дапамог на дзяцей. "Агульная колькасць дзяцей, на якіх ажыццяўляюцца выплаты, складае амаль 470 тыс. Гэта значыць амаль кожнае чацвёртае дзіця ў краіне атрымлівае тую ці іншую дапамогу", - звярнула ўвагу дэпутат.
Прычым, заўважыла яна, дапамогі сем`ям пры нараджэнні дзіцяці, да дасягнення ім трох гадоў выплачваюцца незалежна ад даходу сям`і.
"У Еўропе выплаты маці прадугледжаны толькі для сем`яў з нізкім узроўнем даходу, а ў Фінляндыі такі бонус у сувязі з нараджэннем дзіцяці наогул прадастаўляецца ў выглядзе пакета прадметаў па доглядзе нованароджанага. А ў Іспаніі, Нідэрландах, Грэцыі, Ірландыі дапамогі зусім не прадугледжаны", - расказала Людміла Канановіч.
Важным напрамкам падтрымкі шматдзетных сем`яў стаў сямейны капітал. Старшыня Пастаяннай камісіі ўпэўнена, што гэта праграма сябе апраўдала. Паводле яе слоў, у 2021 годзе каля Br5 млрд было накіравана на дзяржаўныя дапамогі сем`ям, сямейны капітал, дзяржаўную адрасную сацыяльную дапамогу, падтрымку ў жыллёвым будаўніцтве і інш. Акрамя таго, сем`ям з дзецьмі аказваецца падтрымка ў адукацыі, ахове здароўя, аздараўленні і санаторна-курортным лячэнні.
Дэпутат таксама нагадала пра бацькаўскі водпуск, які прадастаўляецца бацьку або айчыму на перыяд да 14 дзён у першыя шэсць месяцаў пасля нараджэння дзіцяці.
"Гэта добрая норма, але прывесці лічбы, якія сведчаць, што таты маштабна такім водпускам карыстаюцца, мы не можам. Але, у прынцыпе, жаданне ў бацькаў з`яўляецца", - сказала Людміла Канановіч. На некаторых прадпрыемствах у калектыўны дагавор уносяць норму аб прадастаўленні такога водпуску з захаваннем сярэдняй заработнай платы.
13 мая 2022, Мінск
БЕЛТА
Прычым, заўважыла яна, дапамогі сем`ям пры нараджэнні дзіцяці, да дасягнення ім трох гадоў выплачваюцца незалежна ад даходу сям`і.
"У Еўропе выплаты маці прадугледжаны толькі для сем`яў з нізкім узроўнем даходу, а ў Фінляндыі такі бонус у сувязі з нараджэннем дзіцяці наогул прадастаўляецца ў выглядзе пакета прадметаў па доглядзе нованароджанага. А ў Іспаніі, Нідэрландах, Грэцыі, Ірландыі дапамогі зусім не прадугледжаны", - расказала Людміла Канановіч.
Важным напрамкам падтрымкі шматдзетных сем`яў стаў сямейны капітал. Старшыня Пастаяннай камісіі ўпэўнена, што гэта праграма сябе апраўдала. Паводле яе слоў, у 2021 годзе каля Br5 млрд было накіравана на дзяржаўныя дапамогі сем`ям, сямейны капітал, дзяржаўную адрасную сацыяльную дапамогу, падтрымку ў жыллёвым будаўніцтве і інш. Акрамя таго, сем`ям з дзецьмі аказваецца падтрымка ў адукацыі, ахове здароўя, аздараўленні і санаторна-курортным лячэнні.
Дэпутат таксама нагадала пра бацькаўскі водпуск, які прадастаўляецца бацьку або айчыму на перыяд да 14 дзён у першыя шэсць месяцаў пасля нараджэння дзіцяці.
"Гэта добрая норма, але прывесці лічбы, якія сведчаць, што таты маштабна такім водпускам карыстаюцца, мы не можам. Але, у прынцыпе, жаданне ў бацькаў з`яўляецца", - сказала Людміла Канановіч. На некаторых прадпрыемствах у калектыўны дагавор уносяць норму аб прадастаўленні такога водпуску з захаваннем сярэдняй заработнай платы.
13 мая 2022, Мінск
БЕЛТА
Ссылка на текущий документ: http://belarus.kz/aktueller/2-/180/64925
Текущая дата: 09.10.2024