Велікодны фестываль — унікальны творчы праект. Яго арганізатарамі выступілі Беларуская дзяржаўная акадэмія музыкі пры падтрымцы Міністэрства культуры і спецыяльнага фонду Прэзідэнта па падтрымцы таленавітай моладзі.

У першы дзень мерапрыемства студэнцкімі аркестрамі будзе арганізаваны канцэрт камерна-інструментальнай музыкі «Мінулае/Традыцыя/Сучаснасць». На канцэрт лаўрэатаў спецыяльнага фонду Прэзідэнта запрашаюць у другі дзень фестывалю. У гэты ж дзень адбудзецца ўзнагароджанне выкладчыкаў і навучэнцаў акадэмій музыкі, якія ўнеслі ўклад у развіццё музыкі ў Беларусі і за мяжой.

Канцэрт харавой музыкі чакае слухачоў у трэці дзень фестывалю. У Беларускай дзяржаўнай акадэміі музыкі выступяць студэнцкі хор установы, а таксама хор хлопчыкаў і юнакоў імя І.А.Жураўленкі.

Пачатак канцэртаў а 18 гадзіне. Фестываль будзе доўжыцца па 29 красавіка.

Звязда, 24 красавіка 2022