Рэспубліканскі ландшафтны заказнік «Ліпічанская пушча» ператвораны ў Рэспубліканскі заказнік у сувязі са змяненнем яго межаў, рэжыму аховы і выкарыстання. 

Пастановай зацверджана Палажэнне аб рэспубліканскім заказніку «Ліпічанская пушча». Згодна з Палажэннем, ён функцыянуе ў Дзятлаўскім, Мастоўскім і Шчучынскім раёнах Гродзенскай вобласці для захавання ў натуральным стане ўнікальных прыродных ландшафтаў з папуляцыямі рэдкіх і знікаючых відаў дзікарослых раслін і дзікіх жывёл, месцаў іх вырастання і пражывання, аховы рэдкіх лясных біяцэнозаў, а таксама комплексу лугоў, старыц, старажытных выдмаў у поймах і далінах рэк Нёман і Шчара.

На яго тэрыторыі дзейнічаюць абмежаванні і забароны, устаноўленыя законам «Аб асабліва ахоўных прыродных тэрыторыях», таксама забараняюцца нарыхтоўка дзікарослых раслін і (або) іх частак юрыдычнымі асобамі і ІП, выкарыстанне водных транспартных сродкаў з рухавікамі ўнутранага згарання звыш 15 конскіх сіл.

Лодачныя прычалы, абсталяваныя зоны і месцы адпачынку, экалагічныя сцежкі, турыстычныя стаянкі, аўтастаянкі абазначаюцца на мясцовасці інфармацыйнымі знакамі.

Вінаватыя ў парушэнні рэжыму аховы і выкарыстання заказніка «Ліпічанская пушча» нясуць крымінальную, адміністрацыйную і іншую адказнасць у адпаведнасці з заканадаўчымі актамі.

Упраўленне дадзеным заказнікам ажыццяўляюць Дзятлаўскі, Мастоўскі і Шчучынскі райвыканкамы.

Пастанова ўступае ў сілу пасля яго афіцыйнага апублікавання.

Звязда, 29 студзеня 2022