Міністэрства аховы здароўя сумесна з Рэспубліканскім цэнтрам па аздараўленні і санаторна-курортным лячэнні насельніцтва актуалізавала часовыя рэкамендацыі па прафілактыцы заносу і распаўсюджвання COVID-19 у аздараўленчых і санаторна-курортных арганізацыях, паведамляе прэс-служба міністэрства.
Часовыя рэкамендацыі актуалізаваны з улікам існуючай эпідэміялагічнай сітуацыі па COVID-19.
Зменены падыходы да прыёму замежных грамадзян. Цяпер пры паступленні ў санаторна-курортную або аздараўленчую арганізацыю неабходна прадаставіць адмоўны рэзультат ПЛР-даследавання, выкананага не пазней за 3 сутак да даты прыбыцця. Тым, хто прадаставіць арыгінал або папяровую копію дакумента аб праведзенай вакцынацыі супраць COVID-19, рэзультат лабараторнага абследавання метадам ПЛР прадастаўляць не трэба. У гэтым выпадку ад моманту завяршэння курса вакцынацыі супраць COVID-19 павінна прайсці не менш за адзін і не больш за 12 месяцаў.
Грамадзяне Беларусі, прышчэпленыя супраць COVID-19, прадастаўляюць сертыфікат аб вакцынацыі або іншы медыцынскі дакумент, які пацвярджае, што яны зрабілі прышчэпку супраць COVID-19. Магчыма ўнясенне звестак аб вакцынацыі ў выпіску з медыцынскіх дакументаў, якая неабходна для прадастаўлення ў санаторна-курортную арганізацыю.
Таксама ў рэкамендацыях прапануецца звярнуць увагу на максімальнае раз`яднанне адпачывальнікаў, вакцынацыю работнікаў супраць COVID-19, прыняцце дадатковых мер - пры ўзнікненні перадумоў эпідэміялагічнай нестабільнасці.
27 кастрычніка 2021, Мінск
БЕЛТА
27 кастрычніка 2021, Мінск
БЕЛТА
Ссылка на текущий документ: http://belarus.kz/aktueller/2-/248/61140
Текущая дата: 11.10.2024