Сайт нямецкага выдання Deutsche Welle у Беларусі заблакавалі ў чацвер, Міністэрства інфармацыі рэспублікі патлумачыла прычыну.
Сайт Deutsche Welle і парталы навін "Настоящее время" і "Новый час" заблакавалі ў Беларусі з-за публікацыі імі спасылак на экстрэмісцкія матэрыялы, паведаміў першы намеснік міністра інфармацыі Андрэй Кунцэвіч.
"Міністэрствам інфармацыі 28 кастрычніка прынята рашэнне аб абмежаванні доступу да парталаў навін Deutsche Welle, "Настоящее время" і "Новый час". Такая мера прынята на фоне таго, што на названых медыяпляцоўках распаўсюджваюцца гіперспасылкі на матэрыялы, прызнаныя экстрэмісцкімі на падставе адпаведных рашэнняў суда", - цытуе яго БелТА.
Па словах Кунцэвіча, паводле артыкула 19 закона "Аб супрацьдзеянні экстрэмізму" распаўсюджваць экстрэмісцкія матэрыялы нельга, у тым ліку гіперспасылкі на іх.
Першы намеснік міністра таксама дадаў, што ведамства працягне прымаць меры, каб абараніць інфармацыйную прастору Беларусі.
Ссылка на текущий документ: http://belarus.kz/aktueller/2-/248/61171
Текущая дата: 11.10.2024