Белорусский портал в Казахстане

Вясновы фестываль «Бельтайн» прайшоў у Батанічным садзе



1 мая ў цэнтры Мінска, на тэрыторыі Цэнтральнага батанічнага саду НАН Беларусі, прайшоў пмаштабны фэст, прысвечаны адкрыццю летняга сезону саду, цвіцення калекцыйных раслін батанічнага саду з фондавай аранжарэі, а таксама, культуры, музыцы і традыцыям кельтаў.

Вясновае свята Бельтайн — свята пачатку лета, з сярэдніх стагоддзяў традыцыйна адзначаецца 1 мая. У гэты дзень адзначалі не толькі змену часоў года — канчатак вясны і пачатак лета, — але і змену цёмнай паловы года, якая пачалася ў кастрычніку, яго светлай паловай. У Беларусі ж свята азначае пачатак фестывальнага сезону 2021 года.

У рамках адкрыцця летняга сезону, супрацоўнікі батанічнага саду прапанавалі ўвазе сваіх наведвальнікаў кветкавую выставу-экспазіцыю «Чароўны свет пеларгоній і фуксій», сфарміраваную на аснове калекцый раслін з фондавай аранжарэі, а таксама, кансультацыі і парады па агратэхніцы вырошчвання раслін.

Звязда, 2 траўня 2021

Ссылка на текущий документ: http://belarus.kz/aktueller/2-/287/59086
Текущая дата: 12.10.2024