"Паважаныя ветэраны! Слаўныя працаўнікі горада і вёскі! Нашы дарагія маладыя людзі! Мы ўсе - людзі адной краіны, звязаныя з яе мінулым, ствараем яе сучасную гісторыю, трывожымся за яе будучае. Беларусь стала прыкметнай краінай на геапалітычнай карце свету, таму што мы з вамі змаглі пабудаваць наш агульны дом і клапоцімся аб міры і парадку ў ім. Наша Радзіма - гэта вялікая каштоўнасць усіх нас, беларусаў! Сёння ўвесь свет стаіць на парозе змяненняў. І акцыі пратэсту за мяжой з патрабаваннямі рэформ пастаянна выходзяць за рамкі мірных. Дэманстрацыі, шэсці, мітынгі бударажаць розныя краіны, вымушаючы ўладу прымяняць меры абароны. Гэта функцыя ўлады - служыць усяму грамадству, абараняць устоі заснаванай грамадствам дзяржавы. Улада абавязана адстойваць законы, правы, Канстытуцыю, - гаворыцца ў звароце. - Мы павінны разумець, што сёння і ў нашай краіне на перадавым рубяжы абароны інтарэсаў Айчыны знаходзяцца людзі, якім глыбока неабыякавы лёс адзінства і дабрабыту краіны, а значыць, кожнага з нас. Іх задача - забяспечыць парадак на вуліцах, не дапусціць блакавання дарог, абараняць сваіх грамадзян ад нападак і зневажанняў. На жаль, і за мяжой, і ў нашай краіне некаторыя хочуць, каб патрабаванне перамен выйшла за рамкі прававога поля. Несанкцыянаваныя маніфестацыі, масавыя парушэнні грамадскага парадку, сутычкі з міліцыяй падаюцца як нармальная форма выказвання меркавання. Безумоўна, у Беларусі ёсць людзі, якія сутыкаюцца з фактамі бюракратызму, маюць крыўду на чыноўнікаў. Вялізныя цяжкасці прынесла пандэмія COVID-19, эканоміка панесла страты, абмежавана перамяшчэнне людзей паміж дзяржавамі. Праблемы сапраўды ёсць, як, урэшце, і ў іншых краінах. Але відаць і меры, якія прымаюцца для таго, каб мы з вамі, беларусы, сталі жыць лепш. З гэтай мэтай будуць унесены змяненні ў дзеючую Канстытуцыю, свае прапановы па ўдасканаленні якой можа прадставіць кожны. У краіне ёсць шмат іншых пляцовак, дзе можна выказаць сваё меркаванне, сваю грамадзянскую пазіцыю і быць пачутым - праз палітычныя партыі, грамадскія арганізацыі".

Як адзначаюць аўтары звароту, перад кожным беларусам стаіць выбар: далучыцца да стваральнай дзейнасці і цывілізаванай праграмы рэформ, паставіўшы захаванне цэласнасці дзяржавы і міру ў краіне вышэй за асабістыя крыўды і амбіцыі, або правакаваць канфлікты.

"Задумайцеся: дзеля каго і чаго рызыкаваць свабодай, здароўем, рэпутацыяй, прафесіяй? Хто мае намер прабіцца да ўлады за спінай вулічных пратэстуючых, адседжваючыся за мяжой? Мы заклікаем усіх беларусаў прыслухацца да голасу розуму і не слухаць так званыя ашалелыя галасы, якія не маюць досведу кіравання дзяржавай, не маюць маральнага права выступаць ад імя народа. Яны спрабуюць за кошт нашых дзяцей, якія не разабраліся, недастаткова разумеюць драматызм чужой палітыкі, стварыць уласныя даброты, унесці смуту ў краіну. Вельмі трывожыць той факт, што замест таго каб дапамагаць моладзі ўмацоўвацца ў яе жыццёвых пазіцыях, гэтыя "дабрадзеі" туманяць маладыя гарачыя галовы палітычным дурманам. Нам усім трэба зразумець, што на разбурэнне нашага грамадства ідуць грошы падаткаплацельшчыкаў (працаўнікоў іншай краіны), якімі брудна маніпулююць палітыкі - міжнародныя хабарадавальнікі. Яны спрабуюць падкупіць нас, свабодных людзей. Няўжо мы пойдзем на іх абяцанкі лёгкай здабычы дзясятка долараў або еўра? Няўжо заплямім гонар краіны, якую не паставілі на калені нямецка-фашысцкія акупанты ў гады Вялікай Айчыннай вайны? Усе гэтыя гады Беларусь ганарыцца сваёй Перамогай. І маладым беларусам давядзецца атрымліваць новыя перамогі ў імя працвітання нашай незалежнай краіны, а не здабыць "смачны кавалак еўрапейскай псеўдадэмакратыі", - падкрэсліваецца ў звароце Саюза пісьменнікаў Беларусі.

"Дарагія бацькі, бабулі, дзядулі! Давайце ўберажом моладзь ад неабдуманых учынкаў, захаваем мір і спакой у краіне! Асобна хочацца звярнуцца да творчай інтэлігенцыі, якая ва ўсе часы аказваецца асабліва ўспрымальнай да ваганняў у палітыцы. Жаданне быць свабодным творцам апраўдана тады, калі творца нясе высокую грамадзянскую адказнасць перад грамадствам і стварае шэдэўры, у аснове якіх маральныя каштоўнасці чалавецтва, а не прысланыя з-за мяжы фінансавыя падачкі. Як паказвае гістарычная практыка, менавіта творцы-бунтары ў далейшым становяцца ахвярамі новай улады. Давайце не будзем паддавацца на правакацыі, засцеражом ад непатрэбных цяжкасцей краіну! Наша справа: працаваць, радавацца жыццю, ганарыцца Беларуссю!" - рэзюмуецца ў звароце.

24 сакавіка 2021, Мінск
БЕЛТА