З пустой магілы, у якую паклалі цела Езуса, зіхаціць прамень надзеі на тое, што смерцю не заканчваецца існаванне чалавека. Уваскрослы Хрыстус кожнаму, хто Яму давярае, прыносіць надзею на вечнае жыццё і радасць, якая ніколі не мінае.

Жадаем вам у гэтыя дні адкрыць сваё сэрца на дзеянне Божага Сына, які кожнага любіць і не стамляецца праяўляць сваю міласэрнасць.

Няхай супакой і дабро паселяцца ў вашых дамах, а вашае жыццё будзе песняй падзякі Богу за Яго дзівосныя справы!