Сёння адзначаецца Міжнародны дзень Л. Брайля. Якія яшчэ падзеі адбыліся 4 студзеня і чым азнаменаваны гэты дзень у народным календары, чытайце далей:

У 1591 годзе Слонім атрымаў герб.

У 1925 годзе ў Мінску прайшоў І-ы Усебеларускі з’езд настаўнікаў.

У 1940 годзе адкрылася Брэсцкая абласная бібліятэка імя М. Горкага.

У 1996 годзе быў створаны Мемарыяльны музей-майстэрня Заіра Ісакавіча Азгура.

У 2002 годзе падпарадкаванне г. Светлагорска было зменена з абласнога на раённае.

1729 год: Яўхім Храптовіч, грамадскі, палітычны, дзяржаўны дзеяч ВКЛ, публіцыст, паэт і перакладчык.

1910 год: Навум Трахтэнберг, беларускі архітэктар, педагог.

1869 год: Ядвігін Ш., беларускі паэт, пісьменнік, перакладчык, журналіст.

Таксама сёння нарадзіліся англійскі навуковец Ісак Ньютан і англійскі фізік Браян Дэйвід Джозефсан.

Сёння праваслаўныя вернікі шануюць памяць вялікапакутніцы Анастасіі Вызваліцельніцы. У славян святая лічыцца заступніцай нявінна асуджаных людзей і цяжарных. Ёй было прынята маліцца падчас родаў, а таксама прасіць пра здароўе і дабрабыт дзяцей.

У гэты дзень існуе пэўная колькасць забарон. Напрыклад, цяжарным нельга шыць, інакш роды будуць складанымі. Нельга таксама хадзіць басанож і вязаць, гэта быццам пагражае каму-небудзь з блізкіх няволяй.  

Па надвор`ю на Анастасію глядзелі, які будзе кастрычнік. Калі мароз і сонца, то цёплым, калі завея і непагадзь – дажджысты. Таксама калі на страсе ў гэты дзень вісяць ледзяшы, гэта прадвяшчае добры ўраджай.

Sputnik, 4 студзеня 2021