Элементы Хэлоўіна вядомыя амаль усім: свяцільня Джэка (гарбуз з "вачыма", "ротам" і свечкай унутры), касцюмы вампіраў, ведзьмаў і іншай погані, тэматычныя вечарыны і іншае. Але не кожны ведае, што і ў Беларусі захаваліся аўтэнтычныя святы, якія дзівяць сваімі традыцыямі. Аб адным з іх распавёў этнограф Іван Крук.

"Мы называем гэты рытуальна-абрадавы комплекс "кіраванне і пахаванне стралы". Жанчыны ішлі на ўсю шырыню вуліцы ў вёсцы, паклаўшы рукі адзін аднаму на плечы. Атрымлівалася такая вяроўка, або, калі хочаце, тая самая страла. І прысвечана ўсё было Пяруну (бог-грамабой ў славянскай міфалогіі)", - распавядае Крук.

Праводзілі рытуал у дзень Ушэсця Гасподняга - чацвер шостага тыдня пасля Вялікадня. Хрысціянскія традыцыі ў старавераў у Беларусі былі моцна пераплецены з паганскімі. А Пярун лічыўся самым небяспечным боствам: з аднаго боку ён даваў агонь, але з іншага мог і нанесці непапраўную шкоду гэтым агнём.

"Абрад захаваўся да нашых дзён, і ён абсалютна аўтэнтычны, не падобны ні на што. Калі я ўпершыню яго ўбачыў, то літаральна скамянеў. Мяне настолькі глыбока гэта ўразіла. Мне здаецца, гэты абрад заслугоўвае максімальнай падтрымкі на ўзроўні міністэрства культуры і дзяржавы. Пакуль жывыя людзі, якія добра яго памятаюць", - адзначае суразмоўца.

Sputnik, 27 кастрычніка 2020