Дарагія суайчыннікі!

Віншую вас з Днём Вялікага Кастрычніка.

Гэтая гістарычная падзея адбылася пад знакам найважнейшых агульначалавечых каштоўнасцяў — нацыянальнага адраджэння народаў і сацыяльнай роўнасці людзей.

Упершыню наша краіна з`явілася на карце свету як палітычны суб`ект, а беларусы зрабілі рашучы крок да афармлення суверэннай нацыі — народа з багатымі традыцыямі, высокай культурай і законным правам на дзяржаўнасць. Правам, якое нашы бацькі і дзяды гераічна адстойвалі ў гады Вялікай Айчыннай вайны. І сёння мы працягваем яго абараняць, пераадолеўшы геапалітычны раскол 1990-х, вытрымаўшы эканамічныя крызісы, адбіваючы выклікі агрэсіўнага знешняга ціску.

Перакананы, што наша сіла ў гістарычным вопыце, які навучыў беларусаў берагчы свае галоўныя дасягненні: бяспеку, мір і згоду ў грамадстве.

У гэты памятны дзень жадаю ўсім грамадзянам нашай роднай Беларусі мудрасці, узаемаразумення і беражлівых адносін да мінулага, якое падарыла нам будучыню!

Прэзідэнт Рэспублікі Беларусь

Аляксандр Лукашэнка

Звязда, 7 лістапада 2020