«Сёння ў інтэрнэт-прасторы актыўна мусіруецца тэма затрыманняў журналістаў, – паведаміла прэс-сакратар МУС Вольга Чамаданава ў сваім тэлеграм-канале. - У чарговы раз звяртаем увагу, што ў пераважнай большасці выпадкаў такіх дастаўленых адпускаюць без складання адміністрацыйнага пратакола. Мы разумеем, што гэтыя людзі таксама займаюцца сваёй прафесійнай дзейнасцю!

Пытанні працы прадстаўнікоў беларускіх СМІ, а таксама журналістаў замежных медыя, акрэдытаваных пры Міністэрстве замежных спраў, на несанкцыянаваных масавых мерапрыемствах ўзятыя на асабісты кантроль Міністра ўнутраных спраў.

«Мая прынцыповая пазіцыя — журналістаў не чапаць! Акрамя выпадкаў, дзе яны становяцца паміж парушальнікамі і сіламі правапарадку», — такую ​​ўстаноўку сваім падначаленым даў сёння Юрый Караеў на працоўнай нарадзе.

Звязда, 12 жніўня 2020