Паводле звестак Цэнтрвыбаркама, у Віктара Бабарыкі 165 744 сапраўдныя подпісы, у Андрэя Дзмітрыева — 106 841, у Ганны Канапацкай — 146 588, Аляксандра Лукашэнкі — 1 939 572. У Святланы Ціханоўскай — 104 757 подпісаў, у Валерыя Цапкалы — 75 249, у Сяргея Чэрачня — 143 109.

Збор подпісаў праходзіў з 21 мая па 19 чэрвеня. За гэты час ініцыятыўным групам прэтэндэнтаў на вышэйшую дзяржаўную пасаду трэба было атрымаць подпісы не менш за 100 тысяч паўналетніх грамадзян Беларусі, якія валодаюць выбарчым правам.

Рэгістрацыя кандыдатаў у прэзідэнты будзе праходзіць з 5 па 14 ліпеня.

Звязда, 30 чэрвеня 2020