Яна прысвяціла тэлебачанню каля паўстагоддзя і выхавала не адно пакаленне тэлевізіёншчыкаў. Пасля заканчэння факультэта журналістыкі БДУ Ніна Шоба працавала ў Гомелі. Праз тры гады пераехала ў Мінск.

Дзякуючы Ніне Вячаславаўне, стваральніцэ і ідэйнай натхняльніцы культавай праграмы «Калыханка» на БТ, дзеці ўжо больш за 35 гадоў засынаюць пад салодкае гучанне роднай мовы. 

Ніна Шоба — аўтар і іншых папулярных і любімых праграм: «Чырвоныя гваздзікі», «Вас выклікае Спартландыя», «Усе мы родам з дзяцінства», «Сузор’е надзей». Яна таксама стаяла ля вытокаў нацыянальнага тэлепраекта «Дзіцячае «Еўрабачанне».

У памяць аб легендарнай жанчыне тэлеканал «Беларусь 3» пакажа спецыяльны выпуск праграмы «Рэдакцыя» з удзелам Ніны Шобы ў 19:15.

Час і месца развітання ўдакладняюцца.

Звязда, 9 чэрвеня 2020