Як паведамляе сайт міністэрства, штодня з панядзелка, 23 сакавіка, па пятніцу, 27 сакавіка, з 11.00 да 15.00 вядучыя «Пілот-FM» у фармаце віктарыны будуць задаваць слухачам пытанні па асновах бяспекі жыццядзейнасці. Шчасліўчыкі змогуць атрымаць карысныя гаджэты ад ратавальнікаў.

А на «Цэнтр FM» з 23 па 29 сакавіка ў 7.55 раніцы слухачоў чакае займальная гульня ў рамках рубрыкі «Фотапаляванне». Сутнасць яе складаецца ў тым, што вядучыя будуць загадваць прадмет, звязаны з пажарнай бяспекай, і размяшчаць фрагмент яго выявы ў Instagram Stories акаўнта радыёстанцыі. Удзельнікі павінны будуць пакінуць каментар са сваім меркаваннем, што гэта за прадмет. Увечары пераможцу сярод правільна адказаўшых вызначаць выпадковым чынам.

Сяргей Расолька
Звязда, 23 сакавіка 2020