Намінальная налічаная сярэдняя заработная плата работнікаў Беларусі ў ліпені бягучага года склала Br1128,5, месяцам раней яна была на ўзроўні Br1080,5.

Сталіца ў разрэзе рэгіёнаў традыцыйна лідзіруе па гэтым паказчыку: сярэдняя зарплата работнікаў Мінска за ліпень сфарміравалася ў памеры Br1556 (тэмп росту да ліпеня мінулага года - 108,9 працэнта).

У Мінскай вобласці яна склала Br1174,4 (112 працэнтаў), у Гомельскай - Br1003,4 (107,5 працэнта), у Гродзенскай - Br975,2 (107,7 працэнта), у Брэсцкай - Br973,8 (108,3 працэнта), у Віцебскай - Br947,6 (107,6 працэнта), у Магілёўскай - Br929,4 (106,6 працэнта).

У цэлым па рэспубліцы рэальная заработная плата (заработная плата, разлічаная з улікам росту спажывецкіх цэн на тавары і паслугі) у студзені-ліпені ў параўнанні з адпаведным перыядам 2018 года ўзрасла на 7,8 працэнта.

Больш за ўсё ў мінулым месяцы атрымлівалі работнікі такіх сфер, як інфармацыйныя тэхналогіі і дзейнасць у галіне інфармацыйнага абслугоўвання (Br4130,3), пасажырскі паветраны транспарт (Br3579,2), дапаможная дзейнасць у сферы фінансавых паслуг і страхавання (Br2405,3), вытворчасць хімічных прадуктаў (Br2147,8), горназдабыўная прамысловасць (Br1940,4), вытворчасць коксу і прадуктаў нафтаперапрацоўкі (Br1904,5).

Менш за ўсё налічана работнікам цырульняў і салонаў прыгажосці (Br607,3), бібліятэк, архіваў, музеяў і іншых устаноў у галіне культуры (Br616,2), тым, хто займаецца доглядам у спецыялізаваных установах і прадастаўленнем сацыяльных паслуг (Br614,8), працуе ў сферы творчай дзейнасці і забаў (Br685,2).

Пасля мінулага тыдня 1 долар ЗША каштуе 2,0566 беларускіх рублёў.

26 жніўня 2019, Мінск
БЕЛТА