У Мінску ўчора развіталіся з народным артыстам Беларусі Аўгустам Мілаванавым. Грамадзянская паніхіда прайшла ў яго родным Купалаўскім тэатры, дзе артыст праслужыў амаль 60 гадоў.

"Гэта быў вялікі акцёр, які пакінуў велізарны творчы багаж. І шчаслівыя тыя гледачы, якія яго бачылі, і тыя артысты, якім пашанцавала працаваць з ім на адной сцэне", - сказаў кіраўнік "Белай Русі" Генадзь Давыдзька, які таксама іграў разам з Мілаванавым ў спектаклі "Ромул Вялікі".

Акрамя ролі Ромула, гледачы запомнілі Аўгуста Мілаванава па мностве роляў у рознапланавых спектаклях. Аднак у большасці прыхільнікаў ён асацыяваўся з бацькам у "Зацюканым апостале", Герастратам у спектаклі "Забыцца Герастрата!" і, вядома, выдатна выкананай роляй Цяўе ў "Памінальнай малітве".

Аўгуст Мілаванаў іграў у кіно і выкладаў у Акадэміі мастацтваў.

У апошні шлях народнага артыста праводзілі апладысментамі.

Мінск, 21 ліпеня 2019
Sputnik