Па выніках таргоў курс еўра знізіўся на 0,0009 рубля (0,04%) і склаў 2,3246 рубля.

Курс долара знізіўся на 0,0033 рубля (0,17%) і склаў 1,9859 рубля.

Курс расійскага рубля вырас на 0,0009 рубля (0,03%) і склаў 3,14347 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якой удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. 6 ліпеня ф`ючэрсы на паўночнамарскую сумесь Brent апусціліся на 0,79% да 77,58 долара за барэль.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, па якім устанаўліваецца афіцыйны курс Цэнтрабанка, сёння знізіўся на 1 капейку і склаў 63,1 рубля.

Аляксей Аляксандраў, БелаПАН
Мінск, 6 ліпеня 2018