Гэты дзень з`яўляецца трыста шэсцьдзесят другім па грыгарыянскім календары, да канца года застаецца 3 дні.
Сёння святкуецца Міжнародны дзень кіно. Якія яшчэ падзеі адбыліся 28 снежня і чым адзначаны гэты дзень у народным календары, чытайце далей:
Гістарычныя падзеі 28 снежня
У 1908 годзе ў Вільні заснавана кнігавыдавецкае таварыства "Наша Хата".
У 1991 годзе Беларусь устанавіла дыпламатычныя адносіны з ЗША.
Хто нарадзіўся 28 снежня
1965 год: Юрый Якавенка, беларускі мастак-графік.
Таксама сёння нарадзіліся брытанская актрыса Мэгі Сміт і партугальскі спявак Сальвадор Сабрал.
28 снежня ў народным календары
Сёння праваслаўныя вернікі шануюць памяць святога Трыфана. У народзе 28 снежня называлі Трыфанавым днём. Трыфан лічыцца заступнікам маракоў, таксама яму моляцца, каб ён абараніў ад небяспекі.
Звычайна 28 снежня было марозна. Людзі казалі, што на Трыфана нават птушкі ў лесе замярзаюць. У вёсках у гэты дзень было прынята наймаць на працу парабкаў.
Калі сцюжа і снег сухі, лета таксама будзе сухое. Якое надвор`е на Трыфана, такі будзе і сакавік. Сонейка сядае ў аблокі – будзе завіруха.
Sputnik, 28 снежня 2023
Ссылка на текущий документ: http://belarus.kz/aktueller/2-/59/71930
Текущая дата: 05.10.2024