Сёння адзначаецца Дзень беларускай навукі. Якія яшчэ падзеі адбыліся 28 студзеня і чым адзначаны гэты дзень у народным календары, чытайце далей:

У 1577 годзе Мазыр атрымаў герб.

У 1588 годзе быў зацверджаны 3-і Статут ВКЛ.

У 1611 годзе Мінскім кашталянам прызначаны Пётр Тышкевіч.

У 1798 годзе была заснавана Мінская рымска-каталіцкая духоўная семінарыя, працавала да 1869 года.

У 1868 годзе ў Мінску было створана таварыства лекараў.

У 1980 годзе ў Акадэміі навук БССР створаны Інстытут прыкладной фізікі.

1919 год: Павел Кармунін, народны артыст Беларусі.

1940 год: Леанід Дайнека, беларускі пісьменнік.

1943 год: Міхаіл Пташук, беларускі кінарэжысёр.

Таксама сёння нарадзіліся амерыканскі піяніст Артур Рубенштэйн і швейцарскі фізік Агюст Пікар.

Сёння праваслаўныя вернікі шануюць памяць Паўла Фівейскага, першага хрысціянскага манаха і пустэльніка.

У народзе казалі: "Павел дзень прыбавіў". Дні прыкметна становяцца даўжэй, а ночы – карацей.

Калі днём на Паўла завіруха, уначы будзе моцны мароз. Крык варон прадвяшчае адлігу, калі яны схаваліся – халады.

Sputnik, 28 студзеня 2024