У рабоце круглага стала прымуць удзел вядомыя беларускія і расійскія навукоўцы, палітычныя і дзяржаўныя дзеячы, прадстаўнікі грамадскіх арганізацый, СМІ, а таксама студэнты і навучэнцы. На круглым стале плануецца абмеркаваць гісторыю БССР у працах айчынных і замежных даследчыкаў, палітычную гісторыю Савецкай Беларусі, гістарычны досвед сацыяльных, эканамічных і культурных пераўтварэнняў, лёсы прадстаўнікоў палітычнай і дзяржаўнай эліты БССР, эвалюцыю ўзаемаадносін рэспублікі і цэнтра: БССР — СССР, тэрытарыяльны аспект нацыянальна-дзяржаўнага будаўніцтва БССР і іншыя важныя тэмы.

У цэнтры ўвагі даследчыкаў будуць дыскусійныя пытанні гісторыі Савецкай Беларусі ў 1919–1991 гадах. 

Матэрыялы круглага стала будуць апублікаваны і ў далейшым могуць быць выкарыстаны пры выкананні дзяржаўных праграм навуковых даследаванняў.

Надзея Нікалаева
Звязда,  20 снежня 2023