Цырымонія ўзнагароджання пераможцаў і лаўрэатаў кінафоруму прайшла ў сталічным кінатэатры "Масква".
Прыза Прэзідэнта Беларусі "За гуманізм і духоўнасць у кіно" на XXII Мінскім міжнародным кінафестывалі "Лістапад" удастоены фільм "Нябеснае качэўе" (рэжысёр - Мірлан Абдыкалыкаў; Кыргызстан).
Таксама фільм "Нябеснае качэўе" атрымаў спецпрыз Выканаўчага камітэта Садружнасці Незалежных Дзяржаў "Кіно без межаў" - за развіццё культурнага супрацоўніцтва і ўмацаванне дружбы паміж народамі.
Абедзве ўзнагароды атрымаў Надзвычайны і Паўнамоцны Пасол Кыргызстана ў Беларусі Кубанычбек Амураліеў. Дыпламат падзякаваў за высокую ацэнку работы кыргызскага рэжысёра, адзначыўшы, што яму вельмі прыемна атрыманне гэтых узнагарод на беларускай зямлі. Ён выказаў упэўненасць у развіцці культурнага супрацоўніцтва, а таксама эканамічнага ўзаемадзеяння ў Еўразійскім эканамічным саюзе.
Спецыяльным прызам Парламенцкага сходу Саюза Беларусі і Расіі "За вернасць маральным ідэалам у кінамастацтве" адзначаны фільмы "Шлях у Дамаск" (рэжысёр - Арцём Лобач; Беларусь) і "Піянеры-героі" (рэжысёр - Наталля Кудрашова; Расія). Карціна "Дзіўныя часціцы" расійскага рэжысёра Дзяніса Кляблеева атрымала спецпрыз "Мова кіно - мова ўзаемаразумення" ад Міждзяржаўнай тэлерадыёкампаніі "Мір".
Яшчэ адзін прыз - Мінскага гарадскога выканаўчага камітэта - прысуджаны стужцы "Бараны" (рэжысёр - Грымюр Хаўконарсан) сумеснай вытворчасці Ісландыі і Даніі. XXII Мінскі міжнародны кінафестываль "Лістапад", які стартаваў 6 лістапада, прымеркаваны да 120-годдзя сусветнага кінематографа, юбілей якога адзначаецца ў 2015 годзе. Дэвіз кінафоруму - "Асалода для вачэй".
Праграму склалі 184 карціны з 60 краін (91 ігравы фільм, 70 неігравых, 23 анімацыйныя). Заснавальнікамі ММКФ "Лістапад" з`яўляюцца Міністэрства культуры Рэспублікі Беларусь і Мінскі гарадскі выканаўчы камітэт пры ўдзеле Белтэлерадыёкампаніі, Нацыянальнай кінастудыі "Беларусьфільм", Беларускага саюза кінематаграфістаў. Фестываль праводзіцца пад патранажам Прэзідэнта Беларусі.
Арганізатар галоўнай кінападзеі года - Цэнтр візуальных і выканальніцкіх мастацтваў "АРТ Карпарэйшн". Фестываль акрэдытаваны Міжнароднай федэрацыяй асацыяцый кінапрадзюсараў (FIAPF) як конкурсны фестываль фільмаў краін Балтыі, Цэнтральнай Азіі, Цэнтральнай і Усходняй Еўропы.
13 лістапада 2015, Мінск
БЕЛТА
Таксама фільм "Нябеснае качэўе" атрымаў спецпрыз Выканаўчага камітэта Садружнасці Незалежных Дзяржаў "Кіно без межаў" - за развіццё культурнага супрацоўніцтва і ўмацаванне дружбы паміж народамі.
Абедзве ўзнагароды атрымаў Надзвычайны і Паўнамоцны Пасол Кыргызстана ў Беларусі Кубанычбек Амураліеў. Дыпламат падзякаваў за высокую ацэнку работы кыргызскага рэжысёра, адзначыўшы, што яму вельмі прыемна атрыманне гэтых узнагарод на беларускай зямлі. Ён выказаў упэўненасць у развіцці культурнага супрацоўніцтва, а таксама эканамічнага ўзаемадзеяння ў Еўразійскім эканамічным саюзе.
Спецыяльным прызам Парламенцкага сходу Саюза Беларусі і Расіі "За вернасць маральным ідэалам у кінамастацтве" адзначаны фільмы "Шлях у Дамаск" (рэжысёр - Арцём Лобач; Беларусь) і "Піянеры-героі" (рэжысёр - Наталля Кудрашова; Расія). Карціна "Дзіўныя часціцы" расійскага рэжысёра Дзяніса Кляблеева атрымала спецпрыз "Мова кіно - мова ўзаемаразумення" ад Міждзяржаўнай тэлерадыёкампаніі "Мір".
Яшчэ адзін прыз - Мінскага гарадскога выканаўчага камітэта - прысуджаны стужцы "Бараны" (рэжысёр - Грымюр Хаўконарсан) сумеснай вытворчасці Ісландыі і Даніі. XXII Мінскі міжнародны кінафестываль "Лістапад", які стартаваў 6 лістапада, прымеркаваны да 120-годдзя сусветнага кінематографа, юбілей якога адзначаецца ў 2015 годзе. Дэвіз кінафоруму - "Асалода для вачэй".
Праграму склалі 184 карціны з 60 краін (91 ігравы фільм, 70 неігравых, 23 анімацыйныя). Заснавальнікамі ММКФ "Лістапад" з`яўляюцца Міністэрства культуры Рэспублікі Беларусь і Мінскі гарадскі выканаўчы камітэт пры ўдзеле Белтэлерадыёкампаніі, Нацыянальнай кінастудыі "Беларусьфільм", Беларускага саюза кінематаграфістаў. Фестываль праводзіцца пад патранажам Прэзідэнта Беларусі.
Арганізатар галоўнай кінападзеі года - Цэнтр візуальных і выканальніцкіх мастацтваў "АРТ Карпарэйшн". Фестываль акрэдытаваны Міжнароднай федэрацыяй асацыяцый кінапрадзюсараў (FIAPF) як конкурсны фестываль фільмаў краін Балтыі, Цэнтральнай Азіі, Цэнтральнай і Усходняй Еўропы.
13 лістапада 2015, Мінск
БЕЛТА
Ссылка на текущий документ: http://belarus.kz/aktueller/2-/676/33224
Текущая дата: 11.05.2024