Межы Мінска пашыраныя за кошт далучэння да сталіцы зямельных участкаў у Смалявіцкім раёне агульнай плошчай 0,8486 га, у тым ліку зямель дзяржаўнай лесагаспадарчай установы "Смалявіцкі лясгас" (0,5783 га) і камунальнага ўнітарнага прадпрыемства па праектаванні, рамонце і будаўніцтве дарог "Мінскаблдарбуд" (0,2703 га).

Новыя сталічныя тэрыторыі аднесеныя да Кастрычніцкага раёна Мінска. Яны ўключаныя ў "функцыянальную зону спецыяльнага прызначэння".

Указ набыў моц. Мінскаму гарвыканкаму, Мінскаму аблвыканкаму, Дзяржаўнаму камітэту па маёмасці даручана прыняць меры па яго рэалізацыі.

Андрэй Серада, БелаПАН
Мінск, 15 сакавіка 2016