"Прыемна бачыць, што сёння нашы беларускія традыцыі, уключаючы "вышыванкі", - у трэндзе, што моладзі важна праз нейкія сучасныя формы, праз нацыянальную і дзяржаўную сімволіку самарэалізоўвацца. Моладзь з вялікім задавальненнем дэманструе сваё пазітыўнае стаўленне да традыцый. Дарэчы, ёсць ужо шмат праектаў па шыццю адзення з нацыянальнай сімволікай. І гэта ўсё ўспрымаецца правільна. Галоўнае, што беларусы прыйшлі эвалюцыйна, а не шляхам насаджэння, да таго, што важна шанаваць традыцыі і што ўсё гэта - самавыяўленне і праява любові да сваёй краіны", - падкрэсліў Андрэй Белякоў.

Паводле яго слоў, відавочна, што беларуская мова і культура сёння запатрабаваны, яны развіваюцца. "І вельмі важна, што ўсё гэта адбываецца мірна і эвалюцыйна. З аднаго боку, гэта станаўленне людзей, народа. З іншага - гэта палітыка кіраўніка дзяржавы, уключаючы тое, што ўсё гэта не было навязана ў адзін момант, як у пачатку 90-х гэта спрабавалі зрабіць. Нельга за адзін дзень усім пачаць размаўляць на беларускай мове, усіх апрануць у беларускае адзенне - да гэтага трэба прыйсці, што цяпер і адбываецца", - дадаў ён.

Андрэй Белякоў таксама адзначыў: "Беларусь - незалежная краіна са сваёй багатай і прыгожай гісторыяй, якая паважае сябе і свае традыцыі. Упэўнены, наша моладзь будзе па гэтым шляху ісці, а БРСМ будзе імкнуцца рэалізоўваць адпаведныя цікавыя праекты".

11 жніўня 2015, Мінск
БЕЛТА