Больш як 2 тыс. адзінак новага адзення і галантарэйных вырабаў (сумак, рамянёў) з фабрычнымі этыкеткамі, не заяўленых у суправаджальных дакументах, канфіскавалі супрацоўнікі аператыўна-пошукавага аддзела Віцебскай мытні ў пункце пропуску "Урбаны" на беларуска-латвійскай мяжы.

Груз агульнай вагой 883 кг перавозіўся ў аўтамабілі MAN, які рухаўся з Латвіі. Кантрабанда ацэначным коштам 360 млн. рублёў была выяўленая сярод сэканд-хэнду, на які дакументы былі аформленыя.

Распачаты адміністрацыйны працэс.

Мінск, 27 чэрвеня 2015