У гэты дзень скончылася Першая сусветная вайна. Якія яшчэ падзеі адбыліся 11 лістапада і чым адзначаны гэты дзень у народным календары, чытайце далей:

У 1918 годзе завяршылася Першая сусветная вайна.

У 1992 годзе былі ўстаноўлены дыпламатычныя адносіны паміж Беларуссю і Ватыканам.

1955 год: Галіна Тычка, беларуская літаратуразнаўца.

Таксама сёння нарадзіліся рускі пісьменнік Фёдар Дастаеўскі і амерыканская актрыса Дэмі Мур.

У гэты дзень праваслаўныя вернікі шануюць памяць Анастасіі Рымскай і Аўраамія Растоўскага. У народзе святых называлі Аўрам і Настасся. Казалі: "Настуся пачынае стрыгчы авечак". Настасся лічылася заступніцай авечак, а Аўрам – аўчароў, 11 лістапада было святам пастухоў.

З авечай воўны рабілі валёнкі, коўдры, шапкі і рукавіцы, са скуры шылі кажухі. З авечага малака рабілі сыр. У гэты дзень авец стрыглі. Перад тым, як стрыгчы, трэба было ўкласці ў нажніцы кавалачак воўны, каб абараніць жывёлу ад злых духаў.

Калі 11 лістапада аблокі нізкія, хутка пахаладае. Калі ўначы была шэрань, днём снег не пойдзе.

Sputnik, 11 лістапада 2023