Малюнак на праезную частку дарогі па ўзгадненні з ДАІ нанеслі выкладчыкі і навучэнцы Цэнтра дадатковай адукацыі дзяцей і моладзі "Вікторыя", каля якога і знаходзіцца аб`ёмная зебра.

У ДАІ растлумачылі, што такім чынам незвычайная разметка павінна прыцягнуць увагу аўтамабілістаў да ўчастка дарогі, дзе назіраецца ажыўлены паток дзяцей і падлеткаў. Пад`язджаючы да такога перахода, вадзіцелі міжволі будуць зніжаць хуткасць, і пешаходы змогуць больш бяспечна пераходзіць праезную частку.

Калі новаўвядзенне пакажа сваю эфектыўнасць, то такія малюкі з`явяцца і на іншых участках вулічна-дарожнай сеткі раёна, у першую чаргу, паблізу ад навучальных устаноў.

9 чэрвеня 2015, Мінск
БЕЛТА