Па інфармацыі ГУУС Мінгарвыканкама, мужчына ў лесапаласе арганізаваў плантацыю канапель. Сабранае лісце сушыў, здрабняў і захоўваў па месцы працы. Аператыўнікі знайшлі і канфіскавалі на складзе фірмы больш за 4,5 кілаграма высушанай і гатовай да ўжывання марыхуаны.

Са слоў затрыманага, наркотык ён курыў, а таксама выкарыстоўваў для прыгатавання ежы, у тым ліку выпечкі. Жонка мінчаніна не падазравала аб яго незаконным занятку. Вядома, што раней падазраваны быў судзімы за аналагічнае злачынства.

Сяргей Расолька
Звязда, 11 верасня 2023