Устаноўлена, што з красавіка па жнівень жанчына гандлявала біткоінамі на спецыялізаваных біржах у якасці пасрэдніка. Па інфармацыі УУС Магілёўскага аблвыканкама, яе нелегальнае абарачэнне перавысіла 437 тысяч рублёў.

У адносінах да бабруйчанкі складзены адміністрацыйны пратакол за незаконную прадпрымальніцкую дзейнасць. Санкцыяй артыкула прадугледжаны буйны штраф і зварот у даход дзяржавы ўсёй сумы, якая прайшла праз крыптакашалёк.

Праваахоўнікі нагадваюць, што, у адпаведнасці з Дэкрэтам Прэзідэнта «Аб развіцці лічбавай эканомікі», для фізічных асоб — не рэзідэнтаў парка высокіх тэхналогій прадпрымальніцкая дзейнасць па абароце крыптавалюты забаронена.

Сяргей Расолька
Звязда, 15 верасня 2023