Аб`ём тэрміновых рублёвых дэпазітаў насельніцтва ў верасні 2023 года павялічыўся на Br139 млн, або на 1,9 працэнта, склаўшы на 1 кастрычніка Br7,4 млрд.

Зберажэнням у беларускіх рублях па-ранейшаму садзейнічае прывабны ўзровень працэнтных ставак па доўгатэрміновых банкаўскіх укладах.

Сярэдняя працэнтная стаўка па новых доўгатэрміновых укладах фізічных асоб у беларускіх рублях у верасні 2023 года склала 11,7 працэнта гадавых, у тым ліку як па новых тэрміновых рублёвых укладах насельніцтва ў цэлым - 8,8 працэнта гадавых.

Аб`ём тэрміновых валютных дэпазітаў фізічных асоб у верасні 2023 года зменшыўся на $68,5 млн, або на 2,2 працэнта да $3 млрд. Дынаміка рублёвых і валютных дэпазітаў сведчыць аб дэвалютызацыі зберажэнняў.

У верасні банкі значна нарасцілі аб`ёмы крэдытаў, прадастаўленых рэальнаму сектару эканомікі. Запазычанасць па рублёвых крэдытах, выдадзеных банкамі юрыдычным асобам, павялічылася ў параўнанні са жніўнем 2023 года на Br1,4 млрд, або на 5,1 працэнта (у жніўні ў параўнанні з ліпенем 2023 года - на 2 працэнты), склаўшы на 1 кастрычніка бягучага года Br29,6 млрд.

Асноўны рост запазычанасці ў беларускіх рублях адзначаўся ў галінах апрацоўчай прамысловасці, на другім месцы - гандаль. У верасні 2023 года запазычанасць у апрацоўчай прамысловасці вырасла на Br1,1 млрд, або на 6,8 працэнта, да Br16,7 млрд. У галінах гандлю - павялічылася на Br0,2 млрд, або на 3,7 працэнта, склаўшы на 1 кастрычніка Br5,7 млрд.

30 кастрычніка 2023, Мінск
БЕЛТА