"Пакуль пастаўшчыкі прадаўжаюць адгружаць нам тавар па ранейшых цэнах. Але нават калі яны ўзнімуць кошт, то мы ў сваю чаргу не будзем яго павышаць. Для пакупнікоў цана застанецца ранейшай. Так, універмаг недаатрымае прыбытку, але галоўнае, каб людзі засталіся задаволены", - сказала Святлана Прыступа.

Намеснік дырэктара адзначыла, што ў галоўным універмагу Мінска з 18 снежня аб`яўлены перадсвяточныя скідкі: 20 працэнтаў ад рознічнай цаны на нехарчовыя тавары і 7 працэнтаў - на харчовыя. "Калі мы нават не адмяняем пераднавагоднюю акцыю, пра якое павышэнне цэн можа ісці размова? Прынамсі, ад нас такая ініцыятыве не зыходзіць. Правесці пераацэнку тавараў складана ў тэхнічным плане: на гэта трэба задзейнічаць усе рэсурсы ўнівермага", - падкрэсліла яна.

Паводле слоў Святланы Прыступы, самы ходкі тавар у ГУМе - буйнагабарытная бытавая тэхніка. Аднак, нягледзячы на папулярнасць, прадукцыя не знікае з прылаўкаў універмага. "Тавар паступае рэгулярна. Напрыклад, заўтра чакаецца пастаўка. Таму дэфіцыту не будзе", - дадала намеснік дырэктара.

20 снежня 2014, Мінск
БЕЛТА