На бясплатныя пяцімесячныя курсы па відэа, мантажы, фатаграфіі і блогінгу запрашаюцца людзі з інваліднасцю. Праект накіраваны на навучанне сацыяльна неабароненых груп насельніцтва навыкам, якія дапамогуць ім інтэгравацца ў прафесійную сферу. Удзел у гэтым праекце таксама дапаможа кожнаму курсанту раскрыць свой творчы патэнцыял, навучыцца працаваць у камандзе з равеснікамі з рознымі фізічнымі магчымасцямі.

Сёння ў тэрытарыяльным цэнтры сацыяльнага абслугоўвання насельніцтва Маскоўскага раёна Мінска адбудзецца прэзентацыя праекта "Майстэрня творчых медыя-праектаў", які рэалізуецца "Эгалітэ Цэнтрам". Будучыя ўдзельнікі майстэрні пазнаёмяцца з арганізатарамі і асноўнымі трэнерамі праекта, атрымаюць інфармацыю аб курсах і майстар-класах. На прэзентацыі будуць прадэманстраваны работы, якія змогуць зрабіць удзельнікі праекта ў час навучання.

30 кастрычніка 2014, Мінск
БЕЛТА