Усе білеты, набытыя на канцэрт 1 лістапада, сапраўдныя. 

"Арганізатары канцэрта ў Мінску (кампанія "Атам Інтэртэймент") вялі доўгія перамовы з менеджментам артыста і дамовіліся перанесці канцэрт на новую дату. Лені Кравіц знайшоў "акенца" ў шчыльным графіку, каб прэзентаваць свой новы альбом Strut беларускім прыхільнікам", — адзначылі ў кампаніі. 

Нагадаем, раней канцэрт Лені Кравіца ў Мінску, запланаваны на 1 лістапада, быў адменены ў сувязі з хваробай артыста. Ён захварэў на ВРВІ і знаходзіўся пад назіраннем урача, які параіў Кравіцу не даваць канцэрты на працягу тыдня. Выступленні таксама былі адмененыя ў Таліне (28 кастрычніка) і Вільнюсе (30 кастрычніка). Спачатку арганізатары паведамілі пра перанос канцэрта на іншую дату, але пазней выступленне было адмененае з прычыны занятасці музыканта пасля заканчэння еўрапейскага тура.

Марына Носава, БелаПАН
Мінск, 3 лістапада 2014