З 2015 года ўводзіцца забарона на стварэнне ў прыгараднай зоне Мінска новых садоўніцкіх таварыстваў і дачных кааператываў. Адпаведная норма прадугледжана ўказам нумар 387 "Аб унясенні дапаўненняў і змяненняў ва Указ Прэзідэнта Рэспублікі Беларусь ад 27 снежня 2007 г. нумар 667", які кіраўнік дзяржавы Аляксандр Лукашэнка падпісаў 4 жніўня.

"Указам з 1 студзеня 2015 года ўводзіцца забарона на правядзенне здзелак з зямельнымі ўчасткамі, прадастаўленымі ў прыгараднай зоне Мінска і абласных цэнтраў для вядзення калектыўнага садоўніцтва, і з размешчанымі на іх аб`ектамі нерухомай маёмасці да заканчэння пяці гадоў з дня дзяржаўнай рэгістрацыі ўзнікнення правоў на такія зямельныя ўчасткі, а таксама забарона на стварэнне ў прыгараднай зоне Мінскай новых садоўніцкіх таварыстваў, дачных кааператываў", - праінфармавалі ў прэс-службе.

Акрамя таго, з 1 студзеня 2015 года свабодныя зямельныя ўчасткі ў садоўніцкіх таварыствах у прыгараднай зоне Мінска будуць прадастаўляцца выключна па выніках аўкцыёнаў.

4 жніўня 2014, Мінск
БЕЛТА

Ссылка на текущий документ: http://belarus.kz/aktueller/2-/805/26980

Текущая дата: 25.12.2024