Міністэрства аховы здароўя перагледзела нормы часу і расходу матэрыялаў на платныя медыцынскія паслугі па стаматалогіі, якія аказваюцца юрыдычнымі асобамі незалежна ад іх формы ўласнасці і падпарадкаванасці і індывідуальнымі прадпрымальнікамі. 

У прыватнасці, на агляд пацыента ўрачом-спецыялістам стаматалагічнага профілю (зубным фельчарам) пры першасным звароце адводзіцца 20 хвілін. За гэты час праводзіцца абследаванне і дыягностыка згодна парадкам, клінічным пратаколам, метадам, зацверджаным заканадаўствам; пастаноўка дыягназу; складанне плана лячэння (акрамя аказання неадкладнай стаматалагічнай дапамогі); атрыманне інфармаванай згоды пацыента або асоб, якія яго прадстаўляюць, на медыцынскае ўмяшанне (у адпаведнасці з заканадаўствам).

Пры паўторным звароце на агляд пацыента прадугледжана 10 хвілін.

На кансультацыю ўрача-спецыяліста стаматалагічнага профілю прадугледжана 20 хвілін, урача-спецыяліста стаматалагічнага профілю, які мае навуковую ступень, навуковае званне — 40 хвілін.

Пастанова ўступае ў сілу з 1 лістапада 2023 года.

Звязда, 17 жніўня 2023